R1517GEO | თარიღი: ორშაბათი, 2010-თებ-08, 15:55 | შეტყობინება # 1 | გაზიარება |
ჯგუფი: ადმინი
შეტყობინება: 752 წევრი No.: 7 რეგისტრ.: 2009-თებ-15
| ევროპის 2012 წლის შესარჩევ ციკლში საქართველოს ნაკრების მომავალი მეტოქეებიდან, მსოფლიოსა თუ ევროპის ჩემპიონატის ფინალურ ეტაპზე ყველაზე ხშირად ხორვატიას უთამაშია. “მსოფლიო სპორტი” აქვე გთავაზობთ სრულ სიას:
ხორვატია – 6
მსოფლიოს ჩემპიონატზე – 1998, 2002, 2006, ევროპის ჩემპიონატზე – 1996, 2004, 2008.
საბერძნეთი – 5
მსოფლიოს ჩემპიონატზე – 1994, ევროპის ჩემპიონატზე – 1980, 2004, 2008.
ისრაელი – 1
მსოფლიოს ჩემპიონატზე – 1970.
ლატვია – 1
ევროპის ჩემპიონატზე – 2004.
აღსანიშნავია, რომ ხორვატიის ნაკრებმა თავის ისტორიაში მხოლოდ ერთი ევროპის ჩემპიონატი “გააცდინა” – 2000 წელს.
საქართველოს ნაკრების ამჟამინდელი მეტოქეები მსოფლიოსა თუ ევროპის ჩემპიონატის ფინალურ ეტაპებზე ერთმანეთს არასდროს შეხვედრიან.
ამავდროულად, საბერძნეთი, ლატვია და ისრაელი მუნდიალ-2010-ის შესარჩევ ციკლშიც ერთ ჯგუფში იყვნენ. საბერძნეთი 20 ქულით მეორეზე გავიდა, ლატვია 17 ქულით მესამეზე, ისრაელი კი, 16 ქულით მეოთხეზე.
მათი ურთიერთშეხვედრები ასე დასრულდა: საბერძნეთი – ლატვია 5:2, 2:0; საბერძნეთი – ისრაელი 2:1, 1:1; ისრაელი – ლატვია 0:1, 1:1.
ისრაელის ნაკრებს, ბოლო 7 წლის განმავლობაში, შინ მხოლოდ 2 მატჩი აქვს წაგებული და ორივე მომავალ თანაჯგუფელებთან: 2006 წელს ხორვატიასთან 3:4 და შარშან ლატვიასთან 0:1.
1996 წელს მსოფლიოს ჩემპიონატის შესარჩევ ციკლში ხორვატიამ შინ საბერძნეთთან 1:1 ითამაშა და იმ მატჩში ხორვატთა ამჟამინდელი მთავარი მწვრთნელი სლავენ ბილიჩი გააძევეს.
უარყოფითი ბალანსი აქვს ლატვიის ნაკრებს მალტასთან ურთიერთშეხვედრებში: 1 მოგება და 2 წაგება, ბურთები – 3:3.
საქართველოს მომავალი მეტოქეებიდან, ყველაზე ხშირად ერთმანეთს საბერძნეთი და ისრაელი შეხვედრიან: 14 მატჩში 7-ჯერ საბერძნეთმა მოიგო, 3-ჯერ ისრაელმა, 4 თამაში კი ფრედ დასრულდა. ბურთების შეფარდება - 21:11, საბერძნეთის სასარგებლოდ.
ილია ნანობაშვილი
ერთად უკეთესია!
|
| |
| |
