დავით ცაბაძე

იტალიაში უკვე დასკვნით ფაზაში შევიდა პოპულარული ტურნირი ვიარეჯოს თასის გათამაშება (რომელიც თავის დროზე 48 გუნდის მონაწილეობით დაიწყო). ამ ტურნეზე საქართველოს 19-წლამდელთა ნაკრების ფორვარდ ირაკლი შეყილაძის "ემპოლიც" ასპარეზობს და საკმაოდ წარმატებითაც. 1/8 ფინალში ემპოლელთა გასვლაში შეყილაძემ თავისი წვლილი დაიდო და კასტელანის მსგავსად 3 გოლი გაიტანა. ირაკლის გუნდმა მერვედფინალში "რომას" დუბლების ძლევის (პენალტების სერიაში 3:1) შემდეგ, მეოთხედფინალში "ფიორენტინას" დუბლები 2:1 დაამარცხა. ამ შეხვედრაში ირაკლი შეყილაძე კვლავ სასტარტო შემადგენლობაში იყო და მატჩის დასრულებამდე სამი წუთით ადრე შეცვალეს. ფლორენციელთა მარცხს სწორედ ქართველმა თავდამსხმელმა დაუდო სათავე. 54-ე წუთზე ირაკლიმ ფლანგიდან ჩაწოდებული ბურთი მიიღო და "ფიორენტინას" მეკარეს შორეულ კუთხეში გაუტანა. ემპოლელებმა ანგარიშში სხვაობა 15 წუთში გაზარდეს, "ფიორენტინამ" კი 82-ე წუთზე მხოლოდ ერთი ბურთის გაქვითვა მოახერხა.

შეყილაძის "ემპოლი" ვიარეჯოს ტირნირის ნახევარფინალში სერია D-სა და "ატალანტას" სარეზერვო გუნდს შორის გამარჯვებულს ან ტურინის "იუვენტუსის" დუბლებს დაუპირისპირდება.