R1517GEO | თარიღი: სამშაბათი, 2010-თებ-16, 14:10 | შეტყობინება # 1 | გაზიარება |
ჯგუფი: ადმინი
შეტყობინება: 752 წევრი No.: 7 რეგისტრ.: 2009-თებ-15
| საქართველოს 21-წლამდელთა ნაკრების ფორვარდმა ირაკლი შეყილაძემ იტალიაში მიმდინარე პრესტიჟულ ახალგაზრდულ ტურნირზე (“ვიარეჯო ქაპ”) ჩემპიონობა ვერ მოიპოვა. შეყილაძის “ემპოლი” ფინალში ტურინის “იუვენტუსთან” 2:4 დამარცხდა.
შეყილაძე ფინალში 32-ე წუთზე შევიდა შეცვლაზე, როცა ანგარიში 1:0 იყო. შემდეგ ტურინელებმა კიდევ სამი გოლი გაიტანეს და 4:0 იგებდნენ. მხოლოდ ბოლო 10 წუთში მოახერხა “ემპოლიმ” ანგარიშის “შელამაზება”, თუმცა ირაკლის ამჯერად არ გაუტანია - შანსი კი მხოლოდ ბოლო წუთზე ჰქონდა, მაგრამ მეტოქის მეკარემ აუღო. ქართველმა მეორე ტაიმში ყვითელი ბარათი მიიღო. აღსანიშნავია, ქართველის გუნდი 48-გუნდიანი ტურნირის ფინალამდე ისე მივიდა, რომ 6 მატჩში მხოლოდ 2 გოლი ჰქონდა გაშვებული, მაგრამ “ბებერი ქალბატონის” ახალგაზრდებს ვეღარ გაუძლო.
შეყილაძემ ტურნირზე 4 გოლი გაიტანა - ტოსკანელთა გუნდიდან ყველაზე ბევრი. “ვიარეჯო ქაპის” ბომბარდირი კი “იუვეს” პაოლო იმობილი გახდა 10 გოლით.
ილია ნანობაშვილი
ერთად უკეთესია!
|
| |
| |
