“პლიმუთთან” საშინაო მატჩში “ხიზანა” 44-ნომრიანი მაისურით მასპინძელთა დაცვის ცენტრში გამოჩნდა და შეუცვლელად გაისარჯა, თამაშის გმირი კი რედინგელთა ფორვარდი შეინ ლონგი გახდა.

ამ უკანასკნელმა ანგარიში 51-ე წუთზე გახსნა, კარლ ფლეტჩერს საპასუხო გოლს კი უკვე მსაჯის მიერ დამატებულ წუთებზე ზუსტად შესრულებული პენალტით უპასუხა და საბოლოოო ანგარიში – 2:1 დააფიქსირა.

ამ გამარჯვების წყალობით, “რედინგს” 29 მატჩში 29 ქულა მოუგროვდა და გასავარდნ 22-ე ადგილზე რჩება, თუმცა კი, სამშვიდობო ზონაში მყოფ “კრისტალ პალასს”, “სკანთორპსა” და “იფსვიჩს” ერთი ქულითღა ჩამორჩება.